松記糖水店 (已搬遷) 新店位置

食完金山，点都要过埋对面嘅松记整番碗糖水嘅！同枱老友稳阵派，食番平时多数食个D，好似什果西米、豆腐紫米露，我就钟意次次嚟次次试唔同嘢，贪新鲜之余，起码知道好唔好食。今趟点咗个芒果琉璃（$19），睇样好似西米，食落口感又唔同，西米就烟韧少少、有「赵」头、有咬口；而琉璃珠就冧身D、滑嘟嘟，问阿姐系乜，佢话系用蒟蒻粉做。大大碗份量，芒果肉又大大件，椰奶同芒果浆另上，食得过！