玄鮨 (已結業)

平时好日都唔会嚟呢间「玄寿司」食饭，见今次同事farewell，特登想请佢食好嘢呢度一个lunch set 都系商务午餐，价钱一啲都唔平，三四百蚊起跳，讲起性价比绝对唔够同区入面其他嘅日本嘢㗎喇不过胜在环境舒服，人少少可以坐包厢，方便同客人倾计𠮶啲，而且服务都好周到一坐低就会有热茶，热毛巾同埋口罩套落完柯打之后，前菜都十分快就上枱 午市套餐嘅前菜几丰富，好多渍腌嘅日式小物，首先有银鱼仔配合桃细细条既鱼干用糖同酱油兜过，带鱼香甘甜入味，加上脆口嘅核桃同炒香嘅芝麻，好啱一边倾计一边食 辛口明太子凉拌豆腐冇任何多余嘅调味，明太子半身独有嘅咸香同豆香作中和，几开胃 茶碗蒸嘅内容物有白饭鱼同埋元贝，热辣辣，店员仲会帮忙打开盖不过食落滑蛋嘅部分蒸得比较老，唔够嫩滑 沙律系跟刺身丼嘅餐嘅，经典嘅胡麻酱冇得输 第一个套餐系杂锦刺身丼饭 chirashi骤眼望落去已经有超过十款唔同嘅刺身，包括：干贝，火炙赤鯥，鲷鱼，赤身，中拖罗，金目鲷，白虾，海胆，三文鱼子，玉子等等整个饭颜色好吸睛，仲有紫苏叶嘅花同其他花仔作伴碟，望落好开胃鲜橙色嘅海胆鲜美，北海道海胆食落甜口唔苦，三文鱼子浓郁，白虾甘甜火炙嘅鱼肉嘅油