璟瓏軒

营业中

休息中

今日同朋友行到故宫博物院，中午肚饿谂住喺呢幢大楼医肚，听餐厅名璟珑轩觉得非常高大上，上到去餐厅，餐厅嘅装潢实在10分豪华，景观望住尖沙咀海景，然后坐低开茶，一壶香片茶味道十分赞，跟住攞餐牌嚟点点心，点咗几个厨师推介，同时间打开OpenRice Apps见到啲人嘅评价，觉得中伏。唔紧要，试一试啦！至少环境系非常钟意嘅，点咗萝卜糕、脆皮烧腩仔、花旗参虾饺、萝卜丝酥饼。落陆陆续续上到嚟，觉得味道真系一般。跟住我哋就唔想再嗌更多嘅嘢！埋单差唔多$600 ，人均都要二百几蚊，我个人意见是改良餐单，点心嘅份量加大，因为我哋三个女仔都觉得食唔饱，或者呢间餐厅真系识环境，唔系讲求出品，总之觉得有需要改进，出品唔好真系浪费咗呢间餐厅嘅位置。