港嘢茶檔 (已結業)

最近经常出入九龙城，见到门面咁过隐嘅「港嘢茶档」就抱住试下嘅心态入咗去。装饰系几有味道，以旧香港做主题，仲有久违了嘅红色胶灯罩、绿色皮嘅卡位、怀旧地砖等。舖位虽然细细地，胜在无好似其他茶记咁迫，坐得都尚算舒服。讲食物喇～ 成个餐牌唔算多选择，佢走怀旧路线嘅，梗系要试下佢嘅炸大肠啦！顺手叫多个茄汤底牛腩粒出前一丁。皆因佢餐牌写茄汤要加$8，加得咁上下钱嘅，应该有返咁上下味道，系咪先～（不过我叫嘅本身已经系茄汤，抵咗）除咗食物，当然唔少得茶档嘅灵魂-奶茶！水吧出饮品都快，杯热奶茶比平时茶档大杯，但饮落唔够香味，有点失色。而我叫嘅茄汤牛腩粒出前一丁，黎到变成了茄汤牛肉出前一丁⋯个面其实都可以，但唔系平时食开嘅出前一丁⋯ 整体黎讲都尚可嘅。而炸大肠喺三样野中最好食嘅。虽然佢系炸，不过黎到枱系可以即食。其实睇佢个餐牌，晚餐上写嘅肉饼款式都几吸引，唯有等多啲人写下食评先再考虑会唔会再去多次。