六公館

营业中

休息中

见到家燕妈妈娶新抱都黎呢度搞party，有个无敌大海景，所以呢一个就黎潮圣一下。餐厅位于海运大厦最入最入的位置，仲要搭返电梯落去，即使做了功课我都最初行错路落左去码头出境果度。一入餐厅，环境系超级靓嘅，光猛阔落，装修新颖，连餐具都带点讲究。虽然是吃中菜但成个感觉都带点西化，应该请客、招待外国人一个唔错嘅选择。我地叫了两个打卡之选的点心，黑金虾饺同黑金流沙包。可惜，真系非常普通。虾饺皮可以讲话厚。流沙包嘅流沙程度都系普通。反而另一个我冇影相嘅鸡肉菜苗饺就唔错，出面未见过呢个配搭，鸡肉腌得浓味。另外叫了一个鱼汤泡饭（全名唔记得），相比起出面宣传版果张鱼汤泡饭嘅相差好远，鱼肉全部好碎，饭系非常地少...一个人都未必够食...仲有叫了一个扬州炒米型意粉，呢个就似样𠵉。其实味道完全系扬州炒饭，但用米意粉，口感有少少唔同，好咬口。总括而言，我觉得我今次选嘅食物真系好普通，只系食环境。