海安咖啡室 (已結業)

又一间有历史嘅冰室茶餐厅🤓真系好钟意历史嘅气息，「海安咖啡室」室内有少少新旧交替，餐牌、枱凳翻新过，但天花吊扇、墙壁挂扇挂钟，以至店内金漆招牌，都充满岁月痕迹，系度食野别有一番味道😊。叉烧姜葱香油捞面($48)••••••12点后先有嘅叉烧😜半肥瘦靓厚切叉烧，jeng！少少蜜糖焦香😛捞面面底够干身，弹牙无发涨，姜葱味好浓好香，见到每粒姜葱都腌制到上哂色，但食落又无油腻感👍🏻如果伴碟椰菜唔系白烚就更好啦。鲜牛肉汤米粉($43)脆猪(跟餐+$9)••••••鲜牛肉保留到牛肉应有肉质口感，无俾松肉粉拿得太得过份，无调味下食到原始肉味。鸡汤麻油香气四射🤣清清地唔死咸几好味。米粉比平常茶记食到嘅幼身顺滑，份量几多。脆猪炼奶系搽左先焗嘅🥰所以奶油猪保持到脆身，又无后尾唧炼奶咁甜食得咁呢hea。茶走••••••少失望，茶味都饮到ok可以，但薄身稀左啲，亦唔够滑。