露台餐廳

营业中

休息中

家中有成员生日，因为识得朋友所以订咗半岛食自助餐，透过朋友可以订到窗口位丶近自助餐位，景色真系冇得弹。当日是揸车到半岛酒店，到达酒店门口，已经有职员帮我代泊车，光顾中午自助餐满$1200 ，可享有免费两小时免费泊车，都系果句，泊位满即止。当日我12点半食到三点半，职员好好人帮我免费extend多一个钟。基本上食物款式不多，都系寿司鱼生丶沙律丶扒类丶Ham丶中式及泰式菜，中式菜有鲍鱼丶原只带壳元贝，但平均每款菜式的质素都是一般，但想不到现在的酒店自助餐质素不是有很大惊喜，不会觉得好好食，甜品反而比较有惊喜，特别地半岛酒店自制的雪糕，特别是原味云呢拿，可以见到好多云呢拿籽，仲有其他特别的咖啡味等等。最后结论系，以原价加一接近$500一位的价格，价钱都几贵，不过环境及服务加番晒分，嚟到呢啲地方，都系食Service同环境，如果大家未嚟过嘅话，都可以试一次，但系一次都够。