星群地中海餐廳 (已結業)

复活节假，想去远少少行下，过左黎黄金海岸，想揾野食，发现呢度啲餐厅变左好多，想食嘅泰国菜唔见左，于是拣食地中海，地中海喺度都好耐了。餐包几软熟，唔落牛油都够味，汤真是一般，红汤水稀稀，不过有些少蔬菜粒，白汤太浓稠，味道有点假。香蒜蟹酱蚬肉天使面$118: 味道系可以嘅，香蒜香草味几够，仲有少少洋葱，蚬肉都有少少鲜味，但衰在太油，同埋唔觉有蟹酱，天使面份量足够饱。辣肉肠pizza$115: 薄嘅饼底我地buy，个边有少少脆，芝士半溶又够多，几惹味，辣肉肠系主材料，少少辣都不错。跟餐可免费选红豆冰，红豆煮到淋，份量唔算好多，奶味唔够，只有甜，又水稀稀咁。因为我地1点前黎到，未算最多人时间，都算有人招呼同合理时间上菜，餐厅环境几好，户外感觉开扬又睇住游艇食野几relax，但野食真系一般。