六公館

营业中

休息中

一直都好想去六公馆食晚饭，因为去过嘅都有赞冇弹，但系点解......我哋大约6:30到六公馆，安排系室内坐，周围嘅环境嘈到爆炸，后来我哋发现可以坐户外，我哋要求坐出去，出到去真系别有洞天，好似在维多利亚港食饭咁，望住咁靓嘅香港夜景食饭真系爽！我哋叫咗个唔知咩炸豆腐，好普通、然后叫咗一碟鸳鸯虾球，只虾好大旧，一边系咸蛋黄味另一边应该系芥末沙律酱味，算好食、叫咗一碟龙井熏太爷鸡，啲鸡好滑，分量唔多，算几好味，不过要成$338未计加一，贵咗啲、叫咗一锅班片肉松脆米鱼汤泡饭，我原本谂住会几鲜味，可惜佢𥚃面加咗冬菜，掩盖晒所有味，虽然都好食，但系就食唔到鱼既鲜味，只食到冬菜既惹味、最后叫咗个西班牙红虾烩赞岐乌冬（一人份量）真心顶佢个肺，成$408，红虾一只我觉得OK啊话晒都系一人份量，但系乌冬点...我两啖就K.O.佢，而且味道偏淡，真心觉得一次就够。