小甜谷 (已結業)

喺大坑附近食完饭，就揾间甜品舖下场。 行几步就系小甜谷，所以决定喺呢度食甜品。因为天气太热，所以拣咗两个冰， 一个菠萝冰一个西瓜冰。 个冰里面有好多冰粒， 都未打碎晒， 搞到净系食冰咁。 味道方面，个西瓜冰做几清甜， 菠萝冰就有少少假， 好大浸罐头菠萝果种假甜味。朋友就叫咗个抹茶心太软， 好香抹茶味，不过有少少涩， 加埋个红豆同雪糕， 都算系唔错。最后就系叫咗个酥皮芒果之类， 热辣辣， 加埋个冻冰冰嘅抹茶雪糕， 简直系绝配， 算系咁多款里面最出色嘅一款。