龍景軒

营业中

休息中

好同事生日，我都会同佢一齐嚟食餐饭，情意结。坐定定就叫壶普洱茶品吓先。今日我发板，先食件龙虾饺，龙虾鲜甜弹加上粉葛嘅爽，再配上芹菜嘅香，咁复杂嘅味道夹得天衣无缝。每一次都叫鲍鱼鸡粒酥，每一次质素都保持得咁好。黑椒牛柳腐皮卷，牛柳有咬口牛味浓。片皮乳猪皮脆，肉分开两层，一层肥加一层厚，细细一件食咗都冇罪恶感。蜜汁叉烧半肥瘦加少少🤏㶶边。蟹盖系用唔记得咩蟹😅，新鲜拆肉，再加埋奶入去炸，鲜甜香脆，配菜上面仲有少少🤏金箔，要食埋去呀。银杏扒鲜枝竹，睇落好似系甜品咁😅，食落鲜枝竹好滑又香。金银蛋苋菜，每一条都系一样长短，唔会有渣。鲍汁花胶鲍鱼丝捞面，每一次都会食，面爽弹有咬口，仲好好挂满啲鲍汁，生日当然要食面啦。食午餐用咗三个钟，最后食唔到甜品，服务员都知道我哋好饱，送上一点心意，咁就完美一餐。