翠豪園餐廳

营业中

休息中

今日朋友请我黎呢度食生日饭，老实讲我好少去长沙湾食饭，而且呢间餐厅亦是我第一次黎，首先老板送左几个侧汤比我地饮，真系好热，好足料，冇味精（因我对味精有敏感），因朋友经常光顾，佢同老板讲我地中意食海鲜 ，佢整左蒜蓉粉丝蒸大元贝 ，白灼虾，醉鲍鱼 ，呢三样平时食开嘅海鲜。但呢度煮我好有心机，就算系普通嘅白灼虾，都落姜葱去灼，连椒丝豉油都好好味。醉鲍鱼真冇得弹，我对酒味麻麻都觉得好够味，鲍鱼好大只，肉质超弹牙。原来老板日日都去街市自己拣海鲜，有时应人客预订菜式去找寻新鲜食材。跟住再回来睇舖。老板样样亲力亲为，难怪食物水准咁高，比好多酒楼还要好得多。跟住我地叫左黄金豆角，咕噜肉，豉椒鹅肠，梅菜蒸菜心 ，椒盐九肚鱼都非常惹味，我地全部清哂，我地自来蛋糕，老板好细心帮我地雪起，到我地食时还比啲碟同叉我们，呢种咁贴心嘅服务而家系今时今日香港真极少见。