炊公館

营业中

休息中

行开尖沙咀，上左去炊公馆食个中式点心下午茶。上到餐厅都差不多四点，一眼望去都有唔少食客，大家都是两人一台。待应说要快D落单，因为四点半截单啦。我好快就叫左个下午茶点心拼盘，再加个五香烟熏素鹅。落单后等食，不久待应拿著一个中式提蓝放到台上，打开盖，原来里面有两层，第一层是蒸笼，内有虾饺、黑松露饺同埋烧卖各两粒，拿开蒸笼下面又有三款点心，竽角、菠萝叉烧焗餐包、原只鲍鱼酥，都系各有两件。虾饺虾肉满满，皮唔系很薄，但味道好好。烧卖大大粒，面头放左蟹籽，猪肉也爽口，黑松露饺就有好香的黑松露味，三款点心都热热的，即叫即蒸。竽头外皮炸得好松化，竽蓉多多又有Ｄ肉碎，好食。菠萝叉烧焗餐包里面酱汁多，叉烧好味，包面个层酥皮一咬即化，够晒松。原只鲍鱼酥，重点系鲍鱼，原只入口，超弹牙，挞底也好松化。总括来说，三款都有松化的部份，全都做得唔错。五香烟熏素鹅唔同京式素鹅，唔用油炸，用烟熏把腐皮入味，腐皮里面有好多菇，口感清爽。今日阳光普照，望住海景叹番个中式点心下午茶真系好写意。