壹級日本料理 (已結業)

要做一间食肆真系唔系咁容易，阵唔中都要转一转口味迎合大家要求，一年四季都有不同应节美食，咁食先至有惊喜，又可以同时保持人气，讲番今次又去左食火锅，不过唔系火锅店食，而系喺日本料理店品尝，同时一次食到两种特色美食先点左火锅汤底，都有几款口味选择，再点埋精美火锅配料就开始是日晚餐，先有海鲜广岛蚝，入口啖啖鲜甜又食到肥大嘅蚝肉，再来有爽脆鲩鱼腩，食到鱼腩肉质鲜嫩爽甜，配上鲜甜汤底食落更加鲜食得火锅又点会少左肉呢D美食，就点了呢款犇拼盘有齐安格斯西冷片、和牛粒同牛脷， 同时间食到不同特色部位西冷片肉质嫰滑味浓郁，和牛粒肥美多汁口感十足，牛脷肉质够爽滑，真系啱晒我口味食得够滋味有牛肉当然梗有埋猪肉，有黑豚腩片，估唔到肉质咁细嫩又香滑，入口仲食到阵阵香甜油脂有惊喜品尝完一轮美食，再食埋手打乌冬配埋其他火锅配料咁食先至完美食法天气冬冬地最埋食一餐暖笠笠火锅。