波仔記車仔麵

营业中

休息中

今日上鹅颈桥熟食中心食晏，天口咁热冇乜胃口，谂住简简单单食碗面，所以拣咗波仔记。食晏时间真系人山人海，不过嚟呢度系食味道，唔系食环境同服务，最紧要好食。我拣咗一面三𩠌$32，有猪红、猪皮同猪大肠加粗面。等咗一阵，大大碗车仔面已经上枱，先呷一口汤，啱喇！就系细时𠮶种味道。猪大肠肠味浓， 烟烟韧韧好咬口，正！猪红够软滑，猪皮够爽，三款𩠌都好有质素。虽然而家车仔面越开越多，不过都钟意搞搞新意思，味道同食材都揾唔番以前嘅味道。难得呢度仲保存到传统嘅味道，下次嚟一定要叫多两款𩠌试吓！