Pancake Hachiko (已結業)

旺角又有地方可以食到人气日式甜品—梳乎厘班戟。之前食过佢地出品嘅软雪糕、法式西多士都相当唔错，今次新出品班戟更令人期待。宇治抹茶提拉米苏梳乎厘班戟 $98小店出品抹茶甜点/饮品都相当出色，班戟当然要试下抹茶味。忌廉澎湃好似溶岩咁涌出，班戟动L空气感适中，配上抹茶味忌廉亦唔会太腻。莓莓牛角窝夫 $68牛角包变奏版，牛角变成窝夫嘅presentation食落都好惊喜！窝夫变到好酥脆，横切面仲见到牛角包嘅蜂窝结构，带点牛油香，配埋云呢嗱雪糕同忌廉好夹，而杂莓配料比较清新，非嗜甜控都会爱上。饮品点咗提拉米苏咖啡拿铁及宇治抹茶柠檬气泡。提拉米苏咖啡拿铁系饮品版嘅tiramisu，将手指饼蘸入上面嘅cream及下层嘅latte真系好似食紧tiramisu咁。而清爽啲又想饮抹茶嘅话好推介宇治抹茶柠檬气泡，柠檬酸酸地仲会透返抹茶味出嚟，平衡得几好，特别适合夏天饮啊！