影片
更多
2023-05-13
1012 浏览
近排成日又打边炉又食蒲飞搞到有啲饱饱滞滞，今日食啲轻食当休息吓。呢间舖成日经过都见，但就未帮衬过，趁呢个机会就试试佢啦。佢舖面几光鲜企理，大若30个位，一边卡位，一边圆形枱凳，全部仿酸枝家私，大玩中国风。餐具都睇得出有花过心思，面碗加只底碟，咁骨子，好多街坊酒楼都未必会咁做，云吞面档就更加唔使谂，无端端洗多只碟好得闲？我叫咗水饺面加油菜，下午茶价$40。汤底系唔错嘅，够鲜甜，应该有落大地鱼。汤面放韮黄，唔似其他面档放葱蒜。面就普通，唔香唔弹牙。水饺都普通，硬掘掘咁，系咪渌唔够时间？呢度外观就赢晒，但食物就一般，又未至于难食，想食粉面又唔想去啲up dup 云吞面舖，可以一试。不过啲服务真系十级差，有个金毛乡音大妈好似全世界欠咗佢咁。有一个客问佢攞杯水，乡音大妈一路攞一路um um 寻寻，真系吹涨，攞杯水惨过同佢乞，乞都唔使俾人咒全家。舖头细细又唔多人，攞水都系行多几步路啫，好阻你时间咩？跟住有另一对客坐低，其中一个叫咗嘢，另一个未谂掂，就问乡音大妈有冇好介绍，个大妈竟然 hang 晒机，答唔出之余又系一路行开一路语带责备咁话人食面都要介绍。其实做得楼面时不时有客要介绍㗎啦，咁都唔识答真
呢间舖成日经过都见，但就未帮衬过，趁呢个机会就试试佢啦。
佢舖面几光鲜企理，大若30个位，一边卡位，一边圆形枱凳，全部仿酸枝家私，大玩中国风。
餐具都睇得出有花过心思，面碗加只底碟，咁骨子，好多街坊酒楼都未必会咁做，云吞面档就更加唔使谂，无端端洗多只碟好得闲？
我叫咗水饺面加油菜，下午茶价$40。汤底系唔错嘅，够鲜甜，应该有落大地鱼。汤面放韮黄，唔似其他面档放葱蒜。面就普通，唔香唔弹牙。水饺都普通，硬掘掘咁，系咪渌唔够时间？
呢度外观就赢晒，但食物就一般，又未至于难食，想食粉面又唔想去啲up dup 云吞面舖，可以一试。
不过啲服务真系十级差，有个金毛乡音大妈好似全世界欠咗佢咁。有一个客问佢攞杯水，乡音大妈一路攞一路um um 寻寻，真系吹涨，攞杯水惨过同佢乞，乞都唔使俾人咒全家。舖头细细又唔多人，攞水都系行多几步路啫，好阻你时间咩？
跟住有另一对客坐低，其中一个叫咗嘢，另一个未谂掂，就问乡音大妈有冇好介绍，个大妈竟然 hang 晒机，答唔出之余又系一路行开一路语带责备咁话人食面都要介绍。其实做得楼面时不时有客要介绍㗎啦，咁都唔识答真系唔适合做呢份工。
今次特登俾个负评，老细如果见到就好好闹吓个大妈。你可能挂住匿喺厨房唔知楼面发生咩事，但档嘢系你嘅，其他嘢做得几好都系假，大把餐厅都系俾楼面搞到执笠，呢啲嘢系要睇紧啲㗎。
张贴