何蘭正

营业中

休息中

蒲开中环嘅一定知道今日要介绍嘅呢一间Fusion餐厅-何兰正🤹🏻‍♀️一入到去已经比佢型格复古嘅装修吸引住!!🚨氛围好chill好适合放工三五知己去饮下「鬼佬凉茶」食个晚饭👍🏻💓🔥廿四小时慢煮伊比利亚叉烧•太阳蛋•香葱猪油捞饭$178越简单既菜式就越难整得好！算系招牌菜之一嘅菜式整体都算唔错😇叉烧经过二十四小时慢煮后好嫩口，虽然得几旧叉烧，但系每一旧都算系半肥瘦同有焦香感😋知道而家最新配搭已经由太阳蛋转为温泉蛋，个人就钟意太阳蛋多啲！特别系有厚度、㶶边嘅太阳蛋，配饭真系一流😊香葱猪油捞饭味道都唔错，味道可以再惹味d!!!🔥炸蟹肉饭球配黑醋蛋黄酱$88饮「鬼佬凉茶」必备香口小吃💓粒粒都炸到好金黄香脆😚蟹肉馅料好足够!!每一粒沾上少少黑醋蛋黄酱酸甜开胃🥰🔥香煎澳洲和牛脸配沙嗲金菇汁•樱花虾肠粉$182和牛面颊肉质一向都偏淋，充满骨胶原，入口有黏口嘅感觉😛底下系好饱肚既樱花虾肠粉，几滑溜香口，唔会淋batbat成口面粉咁！调配嘅沙嗲金菇汁好惹味好特别，几浓稠，每条肠粉都沾上满满的酱汁👍🏻😚🔥咸梅西瓜沙冰$58🍉🍉🍉新鲜西瓜加冰块打成嘅西瓜沙冰入口好refreshing!!!完全饮得出新鲜嘅味道