雲貴軒米線專門店 (已結業)

话说上星期五荃湾放烟花, 难得屋企可以望到正,一放工即刻走去买外卖番屋企食,好耐无食过云贵轩, 于是买咗至爱的猪软骨拚香茜饺小窝米线同一碗四川红薯粉, 再加几款小食。番到屋企, 烟花重未放, 唯有食咗野先, 一打开个碗, 香气扑鼻, 急不及待挟起嚿猪软骨, 同以前一样好入味又唔会炆到散哂, 再饮啖汤, 发觉比以前更加鲜甜,食完之后都无话口干 。至于其他小食都唔错,特别系炸大肠同炸墨鱼丸, 脆卜卜好香口, 配埋酸辣汁,真系一流, 最衰我自己唔食得辣, 四川红薯粉我细妹一个人食哂,佢都话过两日要再食呀。