2DP (已結業)

今日同朋友去咗尖沙咀食素，依家素食嘅餐厅选择真系好多，餐厅环境舒适，都见唔少人嚟食素，食物既份量都好足，大碟又精致。 牛油果羽衣甘蓝沙律 呢个沙律十分丰富，面层有三色藜麦，仲有坚果类及蕃茄仔，软熟香滑嘅牛油果，配上香橙油醋汁，酱汁味道偏甜，可以中和一下羽衣甘蓝天然嘅苦涩味道。牛肝菌impossible肉碎阔条面阔条面口感弹牙，面条较为硬身，牛肝菌味道浓郁，酱汁份量刚好，足够挂满面条，素肉碎粒嘅同牛肉味道又真系差异不大，仲有杂菌，整体味道好夹，好滋味。酥炸植物猪扒外层炸得好松脆，有香浓既大豆味，口感唔鞋，食落好似真猪扒，仲有沙律酱，呢个小食真系好唔错。生酮防弹奶昔由牛油果、可可粉、杏仁奶打成既奶昔，入口好顺滑，杏仁奶既味道好出，可可味相对较淡，微甜又饱肚。