素味牽 (已結業)

经过元州街市政大楼，见到附近食店（隔离就系加藤屋）好多人，要排队。素味牵少人啲，就去试下素食 。 店内环境好舒服 有讲到点解有食素 餐牌 黯然销魂饭 $50呢个名源自《食神》，即系叉烧煎蛋饭🍳素食店当然无可能有真叉烧啦！不过蛋奶素嘅朋友，可以食蛋，所以蛋仲系蛋，不过煎得今次无脆边，反而用面筋造嘅素叉烧好脆。豉油煮过甜甜地，都几好。传统黯然销魂饭用泰国香米，但佢哋介绍用日本珍珠米，出来都真系珍珠米。黏嘅圆米配脆叉烧，好似都唔错。冻洛神花茶 ＋$2酸酸甜甜，甜味多啲，但因为佢哋舖头用左冰糖，所以比较清甜。 (加配)蔬菜金钱袋2件 ＋$10小食可以拣春卷或者金钱袋试过原来都系春卷皮包菜，里面有粉丝同少少姜味，有时食皮，有时食馅，都几好。