影片
更多
2024-01-17
56 浏览
讲起食omakase，朋友推介「鮨宏」，话呢间一定要食！好～即book！开完个长命会，拉埋同事赶嚟叉返个电先！食omakase准时到系一个必须嘅美德～🤗👍🏻一坐低，宏师傅已经热情招待，见我哋跑到上气不接下气，立即安排少少渍物同茶畀我哋顺下气～坐定定就开始「厨师发办」啦！！🥰💓🦪长崎小长井蚝：蚝身光滑饱满，蚝肉非常爽口，味道清甜带有微微嘅海水味，师傅用咗日本甜水果蕃茄整咗个蕃茄啫哩，有别于一般食法，风味独特清新！🐟碳火烧Sawara 䲠鱼（蓝点马鲛)：系而家嘅当造食材～经轻微火炙后外皮酥脆，而且热力能激发出鱼嘅油份，再缀以四季红（菜苗），无论食味同卖相都提升咗一个层次！🐙师傅重点signature：樱煮日本空运石抓八爪鱼，师傅话佢先用盐按摩咗一个钟😱，再用Sake、茶叶慢煮三个钟😱，食落口感绵滑，佢仲讲明头尾都唔要！😅因为煮得耐肉质会削啲，所以食材成本都非常高～🤍北海道银鳕鱼白子：师傅话靓嘅白子唔使搞咁多花样，佢自己就会白灼，当然火喉都好紧要，要煮到半生熟，配以柠檬醋酸汁，口感好creamy，带有一啲油份，但感觉浓而不腻，当然最重要系食材新鲜～🥰👍🏻🤍🦀香厢蟹盒：平时食嘅松叶蟹系公，香箱
一坐低，宏师傅已经热情招待，见我哋跑到上气不接下气，立即安排少少渍物同茶畀我哋顺下气～坐定定就开始「厨师发办」啦！！🥰💓
🦪长崎小长井蚝：蚝身光滑饱满，蚝肉非常爽口，味道清甜带有微微嘅海水味，师傅用咗日本甜水果蕃茄整咗个蕃茄啫哩，有别于一般食法，风味独特清新！
🐟碳火烧Sawara 䲠鱼（蓝点马鲛)：系而家嘅当造食材～经轻微火炙后外皮酥脆，而且热力能激发出鱼嘅油份，再缀以四季红（菜苗），无论食味同卖相都提升咗一个层次！
🐙师傅重点signature：樱煮日本空运石抓八爪鱼，师傅话佢先用盐按摩咗一个钟😱，再用Sake、茶叶慢煮三个钟😱，食落口感绵滑，佢仲讲明头尾都唔要！😅因为煮得耐肉质会削啲，所以食材成本都非常高～
🤍北海道银鳕鱼白子：师傅话靓嘅白子唔使搞咁多花样，佢自己就会白灼，当然火喉都好紧要，要煮到半生熟，配以柠檬醋酸汁，口感好creamy，带有一啲油份，但感觉浓而不腻，当然最重要系食材新鲜～🥰👍🏻🤍
鳕鱼白子、樱煮八爪、炙烧马鲛、小长井蚝
4 浏览
0 赞好
0 留言
🦀香厢蟹盒：平时食嘅松叶蟹系公，香箱蟹系乸，用咗佢嘅肉、羔、籽，配上少许紫苏花，一大箸夹入口，味道清香，感受到浓郁嘅蟹味！🥰
🐟北海道𫚕鱼：一件背、一件腩…两件有唔同食味，唔同口感～第一件背，师傅叫我哋连wasabi都唔好落，食到真正嘅鱼味，鲜甜；第二件腩，就要落少少wasabi同酱油，因为拖罗部分比较多油，可以中和一下，口感丰腴。
🤎师傅另一个重点signature：𩽾𩾌鱼鱼肝：佢话可以算系深海嘅高级鹅肝～一定要用靓嘅sake去浸，再全个蒸熟，食落口好似雪糕，面头再配一啲金山寺Miso（小麦造嘅面豉），小麦口感烟烟靭靭，夹埋鱼肝又几夹㖞！佢话呢啲其实系古法，有时烹饪都要讲究传统～
香箱蟹盒、𫚕鱼腩、𩽾𩾌鱼肝配小麦面豉
0 浏览
0 赞好
0 留言
🥣（重点推介）日本长崎县水鱼汤：呢个汤最啱冬天进补，汤汁好清好甜，处理好水鱼后，加埋昆布炖六个钟，饮完个胃即刻暖笠笠，不过师傅话系秘方🤪无得偷师😅🥰
清炖水鱼汤
9 浏览
0 赞好
0 留言
🦪我嘅至爱系矶煮鲍鱼配肝酱，下面垫有鲍鱼肝酱捞醋饭（又系秘方！🤪🤣）：先用日本产地矶煮鲍鱼汁浸煮鲍鱼，唔可以煮太耐，要保持烟韧弹牙，再用肝酱淋饭；上面装饰果块金莲叶唔系净系得个样🍀，有少少wasabi味，因为肝酱比较浓味，用佢可解一解腻～
矶煮鲍鱼配肝酱
4 浏览
0 赞好
0 留言
🍵今日MVP～蟹肉花胶茶碗蒸：蛋够滑就唔洗讲啦～用料仲有松叶蟹脚肉、花胶、三文鱼籽，因为师傅加咗啲日本葱花，所以一打开个盖，顿时香气四溢，感觉非常醉人～啖啖满足！食完又系暖笠笠，令人有「好幸福」嘅感觉！从简单嘅食材睇到师傅嘅心思！💓
花胶蟹肉茶碗蒸
6 浏览
0 赞好
0 留言
🐟师傅另一得意之作～炙烧地金目鲷：鱼皮连鱼鳞一齐烧，因为烧嘅时候鱼油会上咗啲鱼鳞度，所以个皮可以烧到黄金一样闪闪令，真正皮脆肉嫩！！
🍣寿司🍣：（九贯）
🐟真鲷：𫚭鱼嘅肉一般比较紧实，佢熟成咗一晚，肉同筋会松咗，口感松软～😅
🐚赤贝：只要够新鲜，就一定爽脆清甜！😘
🐟九洲间八鱼：鱼味清新，口感爽甜令到赤醋饭嘅酸味好突出！
🥰寿司MVP～甜虾🦐：虾不嬲都系我嘅至爱，啲甜虾都几大只，但最特别嘅系师傅磨碎咗啲甜虾壳，再淆成虾油，作为佐料，一个字：香！
🐟太刀鱼：加咗岩盐嚟碳烧，皮好香，好有鱼嘅鲜味，呢款鱼系师傅好讲究嘅食材之一，因为只要一唔新鲜就会有腥味～
🐟深海大池鱼王：池鱼大家就成日食，但系叫得做池鱼王，就一定有返咁上下质素～师傅将鱼肉熟成一晚，令肉质收缩咗～鱼嘅甜味同油份先至会逼到出嚟～
3 浏览
0 赞好
0 留言
🐚北海道活带子：师傅好有心机，将带子切到好似一朵菊花咁🌼佢话唔系整色整水～而系合适嘅刀功会有助让客人感受带子嘅口感，食落会更加鲜甜而唔会腻，再加啲岩盐调味，十分鲜美！🥰👍🏻
北海道大元贝
0 浏览
0 赞好
0 留言
🐟吞拿鱼赤身豉油渍：因为呢个部位近血位，虽然瘦身但系鱼味浓郁，，不过好容易有腥味，而家浸过一下豉油，在鲜味上添上一份深度～
🐟中拖罗：拖罗油份丰富，师傅话系最后一件，所以玩少少舞台效果🤪🤣（其实佢唔系钟意整色整水嘅人，不过都明白客人有打卡嘅需要～😅😜）飘雪效果用咗片片淡雪盐，其实原来唔系盐，而系用米做嘅，所以咸味唔浓，但系可以帮助吸收拖罗嘅油份，锦上添花！🥰👍🏻（呢一件成本都要$100🤪）
🌭海胆热狗：用上北海道马粪海胆～满满一大驼，配上赤醋饭，外层系脆口嘅紫菜，我成件啪落口～大满足！🥰🤗👍🏻
海胆热狗
0 浏览
0 赞好
0 留言
师傅嘅寿司饭用上赤醋，味道比白醋微酸，但系就可以中和鱼嘅油份。
玉子烧：往往最简单嘅菜式就最考师傅嘅功夫，好似干炒牛河一样，玉子烧一定系考试题目！🥰👍🏻师傅用底火炉慢煎一个钟～过程中仲要睇到实，因为要刺穿啲气泡，件玉子烧先可以好似布甸咁绵，上碟动L动L，绵密口感嘅秘密原来系加咗鱼肉！😱🤗确实系心机同时间嘅结晶🥰～
甜品：唔系一件，系四件：静岗蜜瓜🍈，北海道牛乳芝士蛋糕🍰，香橙果冻🍊，宇治抹茶布甸🍵～师傅话除咗件蜜瓜唔系自己种之外，全部甜品都系佢亲手泡制，好少omakase嘅师傅会由头包办到落尾，真系诚意满满！
甜品四拼
6 浏览
0 赞好
0 留言
香港嘅omakase店舖林立，有啲追求视觉嘅美，有啲讲求味觉嘅冲击，有啲要创新，标奇立异～～但系我觉得最重要都系睇师傅对食材嘅了解同用心，今日除咗食咗美味嘅食品之外，仲上咗宝贵嘅一课，师傅响奉上食物嘅时候，会讲解唔同食物嘅配搭同烹调方式，最重要系感受到佢对烹饪嘅极致讲究同用心！！食得「厨师发办」，当然就系要个厨师靠得住啦～唔系点够胆畀佢发办呀？！🤪🤣
张贴
