鬼金棒

营业中

休息中

放工约朋友饭聚，近近地拣咗公司附近食拉面。早有听闻呢间日本过江龙出名麻同辣汤底，麻同辣可以分开拣，各有5种程度选择，满足唔同人口味。店内装修简洁得嚟都好有特色，到处都有鬼面具再配上太鼓音乐，非常配合餐厅“鬼”嘅主题。今次同朋友叫咗一碗芫荽辣麻味噌拉面同一碗增量叉烧x2辣麻味噌拉面仲加咗只蛋。🔸芫荽辣麻味噌拉面🔸身为芫荽控嘅我一见到menu上有呢款拉面就即刻落单，碗面铺满芫荽，绿油油一遍，差啲连汤都见唔到。由于本人唔系好食得辣，所以只系叫咗小麻小辣，味噌汤食落甜甜地好浓，中和咗啲辣，但就feel到少少麻嘅感觉，下次可以挑战中辣，除咗成座山嘅芫荽，仲有好多芽菜，两旧大叉烧同玉米荀，叉烧好淋好入味，完全唔韧，拉面质地亦好有咬口。😋🔸增量叉烧x2辣麻味噌拉面🔸呢碗面一上枱，我就比𠮶两旧超巨大叉烧吸引住，根本可以叫做叉烧扒🤩 一定可以满足钟意食肉嘅朋友，糖心蛋一切开就见到橙红色嘅蛋黄，令人食欲大增！ 🤤 朋友完全食唔到辣， 所以呢个汤底只系叫咗小麻，冇叫到辣，但就更能食到原本味噌汤𠮶种甜同香浓嘅味道。两碗面都好大碗，份量好足料，尤其旧叉烧，啖啖肉，真系食过返寻味😋😋下次要再嚟挑战其他麻辣度！