肉搏食堂 (已結業)

每次系尖沙咀谂唔到食咩好，都会行下厚福街个边睇下有乜好食。食肉兽见到成座山咁高嘅黑豚同牛肉盛丼，就忍唔住入左呢间肉搏食堂。餐厅有多款日式丼饭供选择，除左最基本嘅刺身丼，仲有西班牙黑豚肉、白咖喱滑鸡肉、牛肉鹅肝丼。▪️慢煮顶级牛肉盛丼 $88/150g $108/200g今次就嗌左150g~ 比想像中细碗，份量对于女仔黎讲啱啱好。慢煮牛肉望落好粉嫩，但食落又唔会觉得好生。薄切牛肉肉质软腍，唔会太干柴，不过牛味就唔算好重。丼饭淋满甜甜地酱汁，加埋蛋汁够晒捞饭，成碗食落唔会好干。▪️海胆牡丹虾杂锦刺身丼 $148杂锦刺身丼就有齐海胆、三文鱼、油甘鱼、吞拿鱼、牡丹虾、三文鱼子。整体刺身质素都算唔错，而海胆就最有惊喜。鲜甜唔腥几creamy~牡丹虾爽滑带弹性。唯独刺身份量唔算太多。▪️紫薯鲜奶 $58打卡唔错㖞！本身以为会伏伏地，估唔到冻嘅紫薯鲜奶 紫薯味又几突岀。甜度唔会太高，仲有啲紫薯粒粒添。▪️朱古力曲奇沙冰 $58个杯好靓！味道正正常常，甜度偏高 比较适合蚂蚁人。