平昌

营业中

休息中

今日同朋友去旺角行街，夜晚打算食完饭先返屋企，咁啱收到张传单，见到烧肉放题突然间就想食，于是嚟咗呢间兆万嘅烧肉店。呢间烧肉店属于韩式烧肉，风格都好似韩国传统嘅烧肉店，风格好地道。我哋拣咗世子放题$298/1，有两个Menu可以拣，食物选择都算多，肉类都应有尽有，仲有几欢海鲜！一坐低店员就将蛋浆倒落炉边，呢个就系传说中嘅炉边蛋😍生菜泡菜同埋芽菜都系任添，钟意食泡菜嘅我终于有机会疯狂地刷😂另外值得一赞系佢有得拣有腌咗嘅肉同埋冇腌嘅肉，方便比较懒嘅人士，唔需要自己调味。包生菜同泡菜食真系好正。除咗烧烤嘅食物之外，仲有大量嘅热食同埋小食，例如石锅汤、韩式石锅拌饭、不过我哋嘅胃太细就冇嗌到，反而叫咗紫菜饭卷、韩式炸鸡同埋一口芝士，估唔到都几好食，个人最钟意紫菜饭卷，外脆而且好香，食咗2round！呢度嘅饮品都系任饮，啤酒就要加钱，总括嚟讲性价比都几高，食到好饱都系$300左右一位。