影片
更多
2011-06-12
95 浏览
跟友人食饭, 本来念住去食西餐, 但在饭局前一日才由澳门回来, 应该食得已够多了, 不如就去食素菜. 决定后就订左枱, 不过星期五的关系, 佢要我八点半就要还枱了. 不过算啦, 反正我跟友人食饭不嬲都食得快. 订左七点, 我俩准时到达, 就由侍应带我们入内就坐, 不过...估唔到就算订左位, 个位都几差下, 因为是加枱来的, 好一张折枱, 仲要位置于角落, 被一张六人大枱跟四人枱所包围的二人枱, 环境真系嘛嘛地, 而六人枱的人客应该是熟客, 因为不同的经理, 侍应都有跟那枱客人打招呼加倾计, 更加对比出我这个角落位好像无人理因为友人肚仔饿的关系, 我地两个人竟然叫左六款不同的食物, 包括数款不同的小食. 包括鱼生, 椒盬豆腐粒, 斋卤味, 咕噜素球, 干炒牛河同埋甜品绿豆布甸一客两个食. 照睇我地所点的菜单, 真系表示出我地两个都系一个食肉兽, 只系今次是素肉. 鱼生有八片, 是疑似吞拿鱼同三文鱼, 个样都几似嫁, 入口就滑滑的, 咬口都似似地既, 味就无咩味嫁啦, 一定要点豉油同芥辣, 像真程度会好好多. 豆腐粒正常, 但我觉得面的炸粉有点厚, 令到入口时有点硬硬, 唔够
因为友人肚仔饿的关系, 我地两个人竟然叫左六款不同的食物, 包括数款不同的小食. 包括鱼生, 椒盬豆腐粒, 斋卤味, 咕噜素球, 干炒牛河同埋甜品绿豆布甸一客两个食. 照睇我地所点的菜单, 真系表示出我地两个都系一个食肉兽, 只系今次是素肉. 鱼生有八片, 是疑似吞拿鱼同三文鱼, 个样都几似嫁, 入口就滑滑的, 咬口都似似地既, 味就无咩味嫁啦, 一定要点豉油同芥辣, 像真程度会好好多. 豆腐粒正常, 但我觉得面的炸粉有点厚, 令到入口时有点硬硬, 唔够脆口. 斋卤味因平时在湾仔买开, 真系相差几远, 可以不食.
而主菜的咕噜素球, 我觉得不错, 因为佢连个口感都似食咕噜肉的感觉, 有肉的纤维, 哈哈!! (又显示出我系钟意食肉多d啦) 而配菜有青椒同菠萝, 青椒很爽口, 不错. 而我觉得这个罐头菠萝的糖水太甜了, 口感又太冧了, 扣分.
干炒牛河如果唔知, 真系唔觉得佢系素, 成个味, 牛肉, 配菜, 其实跟茶餐厅没两样, 而且又炒得不太油, 分量又ok, 好味!!!绿豆布甸是一点完菜, 侍应推介的, 仲话是限量, 所以我地就叫了一客, 不过到入口, 我觉得绿豆不够冧, 布甸又没有绿豆味, 只有是绿色, 整款甜品是绿豆还绿豆, 布甸还布甸, 两者没有合二为一, 怪怪的!
每人食左接近一百五十蚊, 原来食素一d都唔平嫁啊
张贴
