MUM 日常野菜料理 (已結業)

食肉兽嘅我向来好少go green，因为觉得唔食肉会个满足感会大减.....偶然间有朋友推介呢间餐厅话味道同满足感都会有保证，讲到咁无理由唔嚟试下！呢间素食真系好多好吸引嘅素食选择，例如茶蒸蛋、芝麻菠菜、冷豆腐等等，都系一啲蛋白质丰富嘅食物选择，可以自选做lunchset嘅main course，选择困难症发作，拣咗好耐先决定到。我加咗钱转乌冬，汤底估计系甜豉油，乌冬弹口唔会有酸味，同朋友一齐嚟仲可以叫多啲款share，食到饱饱又满足~连作为食肉兽嘅我都想再嚟，食埋其他今次食唔到嘅款式！