影片
更多
2022-05-03
2454 浏览
晚市终于回归！可以四人一枱唔洗隔住块板啦！又系时候疯狂补祝生日。讲到庆祝生日， @piratagrouphk 旗下餐厅真系一个唔错嘅选择。上甜品嘅时候，会有三四个staff一齐唱生日歌，好有气氛，场面好不尴尬呢~ 寿星仔有支蜡烛吹下之余，仲会有张即影即有 (今晚就听左三四次生日歌)食肉兽今次就拣左位于中环SOHO嘅Meat Bar！有选择困难症嘅我见到「Chef! Give me Meats!」呢个set即刻双眼发光。可以一次食晒牛、猪、鸡、鱼、鸭~ 重点系套餐内嘅Signature Beef Wellington系冇得单嗌架！ (唯独chef menu无好多人推荐嘅椰菜花扒)————————————————⠀⠀⠀⠀Chef! Give me Meats! $448𝒮𝓂𝒶𝓁𝓁1️⃣Duck好有重量嘅一道 (大家试吓拎起个碗就明) 好钟意佢个海鲜酱，香浓得黎唔会过咸。带焦香嘅鸭肉同爽甜多汁嘅西瓜粒意外地夹，食落几清新，更有腰果碎增添口感。做前菜一流！鸭肉偏韧左啲，但家姐表示好钟意呢~2️⃣Smoked Pork Spare Ribs猪肋骨肉质软嫩
食肉兽今次就拣左位于中环SOHO嘅Meat Bar！有选择困难症嘅我见到「Chef! Give me Meats!」呢个set即刻双眼发光。可以一次食晒牛、猪、鸡、鱼、鸭~ 重点系套餐内嘅Signature Beef Wellington系冇得单嗌架！ (唯独chef menu无好多人推荐嘅椰菜花扒)
————————————————⠀⠀⠀⠀
Chef! Give me Meats! $448
𝒮𝓂𝒶𝓁𝓁
1️⃣Duck
好有重量嘅一道 (大家试吓拎起个碗就明) 好钟意佢个海鲜酱，香浓得黎唔会过咸。带焦香嘅鸭肉同爽甜多汁嘅西瓜粒意外地夹，食落几清新，更有腰果碎增添口感。做前菜一流！鸭肉偏韧左啲，但家姐表示好钟意呢~
2️⃣Smoked Pork Spare Ribs
猪肋骨肉质软嫩，肥膏位好腍，近乎入口即化，酸酸甜甜好入味！
3️⃣Fish Tacos
炸鱼几厚肉㖞！外皮微脆唔油腻，食落唔会无鱼味。墨西哥薄饼柔软，放满爽口蔬菜丝，加上chipotle aioli 微辣开胃。不过唔食沙律酱蛋黄酱嘅呀妹就唔太钟意呢个酱汁。
𝒮𝒾𝒹𝑒𝓈
4️⃣Truffle Mac & cheese
极邪恶嘅一道！好creamy！不过黑松露同芝士味都唔算好重，感觉上忌廉占了大半，重口味人士表示唔够满足。通心粉偏软腍，如果硬身啲就更岩口味。
ℳ𝑒𝒶𝓉𝓈
5️⃣Rotisserie Chicken
有齐鸡胸同鸡髀，鸡髀尚算嫩滑，但鸡胸有啲鞋同实。沾上chicken soup会湿润啲 鸡味岀啲 好食啲~
6️⃣Beef Wellington
第一次食威灵顿，大家就姑且参考吓不专业食评。牛肉切开呈粉嫩嘅红色，但咬落又唔会觉得好血淋淋好腥。肉质软腍 微微带咬口，入口带焦香，不过牛味就唔算太重。酥皮薄薄一块 富牛油香，上下分别以Parma ham、mushroom sauce与牛作分隔。上面个块酥皮仲keep到香脆。最底仲有软滑带淡淡黑松露香嘅薯蓉。系层次丰富、好complicated嘅一道菜，但所有野加埋又冇我想像中咁惊艳。
𝒱𝑒𝑔𝑒𝓉𝒶𝒷𝓁𝑒𝓈
7️⃣Broccolini
西兰花烤到好㶶，好劲焦香味。面头嘅椰子叁巴酱，辣辣地有啲面鼓酱feel，加埋椰丝都几惹味~
𝒟𝑒𝓈𝓈𝑒𝓇𝓉
8️⃣Chocolate brownie
Brownie 绵密厚实，朱古力味浓郁。加上云呢拿雪糕，基本上系不败组合。家姐特别钟意包住雪糕嘅朱古力，其微苦可以稍微中和甜腻感。张贴
