影片
更多
2019-02-24
4167 浏览
冇同过屋企人去食烧肉放题，就带佢地去食下，又想食得经济实惠啲，加上自己都想试下呢间就带埋屋企人黎食。环境位于APM四楼，一条全部都系餐厅，我会称之佢为「APM美食廊」，估唔到6pm左右前来已经大排长龙拎紧飞等位，生意十分好，等左一阵先有位，以放题餐厅黎讲，入面唔算大，幸好被编排到一张私隐度高既枱，可以同屋企人更开心咁食放题。餐牌100分钟放题分别有：大人气超值放题(55款) $218、顶级澳洲和牛放题(87款) $288以及日本黑毛和牛放题(94款) $428。我地拣左中间价位既顶级澳洲和牛放题(87款) $288。顶级澳洲和牛放题(100分钟) $288(另加一)含八十七款，分别有限定寿喜烧风烧肉套餐、沙律、泡菜/韩式菜、盛合/套餐、烧肉(自家酱汁/和风盐烧汁/韩式辛辣、鸡及猪、海鲜/烧野菜、前菜、饭/面/汤、饮品、其他，共13个分项。限定寿喜烧风烧肉套餐呢个分页内只有日本鸡蛋同埋薄切和牛，寿喜烧配火锅就食得多，配烧肉真系第一次试。由于好薄身，好快就熟要睇住时间，烧肉沾上生蛋液食真系别有一番风味，食落冇咁油同冇咁干身，牛味又唔会被盖过，唔错。沙律：本阵招牌沙律用左少少醋调味，食
环境
位于APM四楼，一条全部都系餐厅，我会称之佢为「APM美食廊」，估唔到6pm左右前来已经大排长龙拎紧飞等位，生意十分好，等左一阵先有位，以放题餐厅黎讲，入面唔算大，幸好被编排到一张私隐度高既枱，可以同屋企人更开心咁食放题。
餐牌
100分钟放题分别有：大人气超值放题(55款) $218、顶级澳洲和牛放题(87款) $288以及日本黑毛和牛放题(94款) $428。我地拣左中间价位既顶级澳洲和牛放题(87款) $288。
顶级澳洲和牛放题(100分钟) $288(另加一)
含八十七款，分别有限定寿喜烧风烧肉套餐、沙律、泡菜/韩式菜、盛合/套餐、烧肉(自家酱汁/和风盐烧汁/韩式辛辣、鸡及猪、海鲜/烧野菜、前菜、饭/面/汤、饮品、其他，共13个分项。
限定寿喜烧风烧肉套餐
限定寿喜烧风烧肉套餐
61 浏览
0 赞好
0 留言
呢个分页内只有日本鸡蛋同埋薄切和牛，寿喜烧配火锅就食得多，配烧肉真系第一次试。由于好薄身，好快就熟要睇住时间，烧肉沾上生蛋液食真系别有一番风味，食落冇咁油同冇咁干身，牛味又唔会被盖过，唔错。
沙律：本阵招牌沙律
本阵招牌沙律
57 浏览
0 赞好
0 留言
用左少少醋调味，食落咸咸地，沙律菜都够爽，又可以做开胃菜，又可以食紧烧肉时降腻，点左3、4碗。
泡菜/韩式菜：泡菜三式拼盘
有泡菜、青瓜、萝卜，偏咸左少少。
盛合/套餐：澳洲产和牛特盛五品盛合、日本产匠味豚豚肉组合
澳洲产和牛特盛五品盛合
澳洲产和牛特盛五品盛合
83 浏览
0 赞好
0 留言
腹胸肉
57 浏览
0 赞好
0 留言
应该分别系上级牛肋肉、牛肋肉、一口牛、腹胸肉、柔软“身筋”扒。上枱望到牛肉唔算好新鲜，有一两块仲有少少黑边，色泽偏沉少少，但味道比望落去要好，当中我最中意腹胸肉，𠝹左开花纹方便烧，食落去有嚼劲之余但又不失松软度，唔会烧到干身，而柔软“身筋”扒好厚身，但咬落去会爆牛肉汁，好juicy！另外上级牛肋肉、牛肋肉、一口牛口感都唔会，唔会有渣/咬唔烂既问题。
日本产匠味豚豚肉组合
有三款，分别系日本产黑豚猪腩肉、日本产黑豚猪梅肉、猪颈肉。全部都有腌过，其实唔洗点酱汁食都无问题，猪肉都冇猪腥味，而且烧完每块都光泽十足，有水润口感，完全不干，黑豚猪腩肉/猪梅肉迟薄切，口感唔算好强烈，相对上猪颈肉比较有咬口。
烧肉(自家酱汁/和风盐烧汁/韩式辛辣)
烧肉
37 浏览
0 赞好
0 留言
烧肉分类内的全部都系牛肉，只系再分左三个唔同既腌汁，款式近乎一样，自家酱汁似烧汁、和风盐烧汁咸味较出、韩式辛辣辣味唔够，牛肉款式有而牛肉中既款式都有八款，可惜XL肋肉条售罄，只有七款供应，而当中五款有放「澳洲产和牛特盛五品盛合」中，上面已经讲过就唔讲。另外试左黄金烧汁壸渍牛肋肉，同普通牛肋肉食落去分别不大。
鸡及猪：鸡肾、鸡软骨、鸡腿肉扒、美国大肉肠
鸡肾比较干同硬，鸡软骨正正常常，而鸡腿肉扒就比较好食啲，厚肉啲。猪类就上面拼盘已经讲过，另外试左美国大肉肠，有啲似台湾黑椒肠，但就幼身好多。
海鲜/烧野菜：海虾、盐烧帆立贝、原只鱿鱼仔
盐烧帆立贝
27 浏览
0 赞好
0 留言
原只鱿鱼仔
36 浏览
0 赞好
0 留言
虾应该都系解左冻既急冻虾，但食落都唔会霉，口感都可以，而盐烧帆立贝、原只鱿鱼仔比较高质，前者腌得入味又几弹牙，后者烧完好香口。
前菜：味付带子群边
又系偏咸，比较一般。
饭/面/汤
都有不少选择，但咁饱肚既野就冇试。
其他：牛舌、羊架
厚切牛舌
61 浏览
1 赞好
0 留言
羊架
37 浏览
0 赞好
0 留言
其实都唔系好明点解牛舌同羊架会分系其他类别，牛舌仲分厚/薄以及唔同腌制味道，试左厚切，真系够厚身，紧记要烧至全熟先好食，烧至面头微焦，较落去爽脆有嚼劲，唔错。而羊架膻味十足且带有肥膏，每人食左2只！
饮品
选择唔算特别多，但汽水、茶呢啲都有，仲有岩哂女士/怕肥人士既Coc- Cola Plus添！
甜品
食到70分钟就会截单，然后上甜品，系每人一杯Häagen-Dazs雪糕，完美总结。
连埋加一每位$320，价钱中等，好既地方在于照顾到唔食牛既同行者，皆因佢唔止得牛肉，猪肉、鸡肉、海鲜加起上黎再加有饭/面，唔食牛肉既母亲大人都表示食到好饱，质素都可以，中意食烧肉既朋友不妨一试。
张贴
