佐賀山田 (已結業)

今日去咗青衣城，听讲开咗d新食肆，见到呢度有日式火锅任食，就入咗去，点知闻到阵阵嘅烧烤香味，于是转軚食烧肉！我哋拣咗个中路价钱嘅SRF安格斯和牛放题，SRF出产嘅牛肉有日本和牛的油花，亦有美国安格斯牛的浓厚肉味。呢个餐仲可以食到其他品种牛肉嘅唔同部位，劲抵！杂锦烧肉冰鲜盒除咗有SRF牛肉、仲有日本黑毛和牛、美国牛小排，美国牛肋肉、骨符牛肋肉，烧出嚟嘅牛肉真系食得出唔同口感同肉味，当中牛小排、黑毛和牛同SRF牛肉最正。肉嫩油花多，油香扑鼻，肉味香浓。仲有唔同味道腌制嘅美国和牛牛版腱、美国肩脊肉、鸡腿肉、牛舌、盐烧牛油带子、虾、牛油广岛蚝、麻油烧蒜粒、大啡菇，牛油广岛蚝同大啡菇超正，隔住锡纸烧出嚟嘅广岛号充满牛油香味又肥美，烧大啡菇令到菇味浓缩左，特别美味。出边仲有任食甜品同蔬菜饮品等等，又饱又满足晒我呢个食肉兽，唔错唔错。