牛一 (屯門市廣場1期) (已結業)

今次系第二次黎呢到食，两次食完都饱到呕咁济今次拣左极上美国肥牛，加豚肉。不过我相信，对大部份人黎讲，豚肉从来都不是重点。而汤底就系佢季节限定嘅，十胜芝士九洲豚骨汤。入到去，好快就已经拎左个汤底黎，开埋炉比我地，一开始先比两碟牛，一碟猪肉比我地。而出面亦有不同嘅火锅配料拎，如芝士肠、芝士鱼腐鱼片、狮子狗、韩国年糕、饺子、龙虾丸、芽菜、滑蛋玉子、栗米、冬菇、杏鲍菇、生菜、娃娃菜、等等，选择都唔少。呢个就系十胜芝士九洲豚骨汤底，并无想像中嘅芝士味，基本上系无乜芝土味，食奈左同普通汤底无分别。而佢个极上美国肥牛都唔错，色泽睇落几吸引，食落口唔会硬又唔会肥。呢个就系豚肉。食到饱哂之后仲可以diy 雪糕食，食次食左香芋味同苹果芒果味，对比之下，我就觉得香芋味好食得多。最后，呢到价钱合理，又可以任叫牛、豚肉，真系食肉兽嘅天堂。