Burgerman (埃華街) (已結業)

呢间黄店burger都bookmark咗好耐，见好多人都话好高质，今次终于去咗试😍💛！我哋去嘅系大角咀分店，喺奥运站/巴士站落车后行一阵先到，就系喺劲多餐厅嘅美食街入面～小店地方唔大，都算有几多款burger可以拣，食物质素真系唔错🤤，全部嘢都系即整热辣辣上枱，推荐！.▪️至尊汉堡 $95▪️劲过巨无霸嘅汉堡😱😂，真系要分开两层食先得🤣，最面个层先食烟肉、蛋、芝士同牛，简直系食肉兽嘅最爱😂！蛋好出色，唔会干争争，啲蛋汁流落芝士同牛到，超级邪恶😍！而底个层感觉又唔同，芝士同牛嘅面有菇同炒洋葱，再夹埋生菜同蕃茄又系另一种食法咁，好fresh🤤 成个食完真系超饱超满足，大食嘅你要试吓！▪️和牛汉堡 $82▪️选用咗草饲120日嘅和牛，当然会比至尊汉堡𠮶块牛高级啲，食落都会juicy啲、更香牛味😍，再加上炸洋葱丝、翡翠苗、芝士同芝麻酱，呢个配搭都几新鲜！▪️吉列黄金炸虾 $38/5只▪️炸虾都几大只，炸得超脆😋 仲要冻咗少少食都依然好好食！▪️蕃薯条 跟餐▪️汉堡+$33可以转套餐，有蕃薯条同汽水。蕃薯条份量都几多，我哋两个人share食先啱啱好食晒！幼幼哋嘅蕃薯条新鲜炸好，热辣辣正呀！