肉搏食堂 (已結業)

厚福街餐厅多箩箩，比著选择困难症嘅我拣一个钟都仲未拣到🤯如果你系冇肉不欢嘅朋友，不妨试吓呢间肉搏食堂～🔥必点：青瓜青苹果沙冰牛肉略略煎过，色泽极红润粉嫩，不过我略嫌过生，职员都好好，帮手再煎熟啲👍🏻牛肉份量唔少，铺满半个饭，厚度适中，由于略带筋位，所以嚼劲十足鹅肝表面煎至金黄色，外脆内肥美，充满油脂感，淋上甜甜哋类似烧汁嘅酱汁，味道百感交集，刺激味蕾黑豚盛丼卖相亦唔输蚀，面层铺上一块块粉嫩迷人黑豚肉，黑豚肉上淋上芝麻酱，肉峰之上摆放住一颗生鸡蛋，旁边以看似云朵嘅酸忌廉配衬，以葱花作点缀黑豚肉以慢煮方法炮制，薄切软腍，口感特别，似食紧parma ham🥓 质嫩爽口，拌上忌廉，再戳破生鸡蛋，增添味道层次✨饺子胀卜卜，肉味香浓，外表煎至金黄，而内里仍然保持多汁，伴碟嘅有芝麻酱椰菜丝，清清口腔🍏青瓜青苹果沙冰嘅两种蔬果嘅配搭创意十足，估唔到沟埋一齐系咁夹🤩 沙冰以青苹果味为主，回甘就会品尝到青瓜味，一边饮，仲一边会食到蔬果渣，认真真材实料，整体感觉清新，解肉腻一流👍🏻睇menu时，就系比就比呢个杯嘅造型吸引到，一定要点一杯嚟打卡📸 杯造型搞笑，朱古力味浓而不腻，甜度宜人，作为甜品亦不失为一个好