影片
更多
2019-04-18
2926 浏览
今次去食尚八食午市烧肉放题。原本想星期一至四去平啲（$108），但就唔到时间，就畀多$30星期六食啦！我哋前一日用电话book咗12点，去到佢哋都只系啱啱开舖。店员带我哋一行四人去卡位坐，再问我哋拣咩餐，目标明确嘅我哋当然拣$138午市任食套餐。 套餐包咗两碟头盘，入面有牛肋骨、牛柳粒、牛舌、蚝、虾等等。放题食材就主要系唔同调味嘅猪肉同鸡肉 ，另外仲有蔬菜同少量海鲜。头盘嘅牛肉果然系正啲，好腍好juicy！啲虾同青口都好大只，不过虾要小心啲烧，如果唔系好易㶶。 啲广岛蚝用咗好多油浸住嚟烧，食唔系好出个蚝本身嘅味，有啲失色。猪腩肉有分厚切同薄切，因为个肉好多肥膏，所以厚切就相对油腻，但如果烧耐啲就会好脆卜卜。薄切就似猪肉片，快啲熟。鸡肉同鸡翼就容易烧好多，鸡翼仲好细心咁切成单骨，方便食。鸡肾烧完都唔会韧，好食！不过食太多肉始终都要清下个胃，所以鱿鱼筒、鲭鱼、菠萝同甜蕃薯就啱啱好可以清清个胃。嘢饮方面都有ok多款，可乐、七喜、石榴汁同芒果汁等等，仲可以揾店员攞热茶！店员服务态度都几好，主动帮我哋换网，嘢食都送得几快，同埋无话够钟就赶人走。$138一个人真系超值，认真推介！
我哋前一日用电话book咗12点，去到佢哋都只系啱啱开舖。店员带我哋一行四人去卡位坐，再问我哋拣咩餐，目标明确嘅我哋当然拣$138午市任食套餐。
套餐包咗两碟头盘，入面有牛肋骨、牛柳粒、牛舌、蚝、虾等等。放题食材就主要系唔同调味嘅猪肉同鸡肉 ，另外仲有蔬菜同少量海鲜。
头盘嘅牛肉果然系正啲，好腍好juicy！啲虾同青口都好大只，不过虾要小心啲烧，如果唔系好易㶶。
啲广岛蚝用咗好多油浸住嚟烧，食唔系好出个蚝本身嘅味，有啲失色。
猪腩肉有分厚切同薄切，因为个肉好多肥膏，所以厚切就相对油腻，但如果烧耐啲就会好脆卜卜。薄切就似猪肉片，快啲熟。
鸡肉同鸡翼就容易烧好多，鸡翼仲好细心咁切成单骨，方便食。鸡肾烧完都唔会韧，好食！
不过食太多肉始终都要清下个胃，所以鱿鱼筒、鲭鱼、菠萝同甜蕃薯就啱啱好可以清清个胃。
嘢饮方面都有ok多款，可乐、七喜、石榴汁同芒果汁等等，仲可以揾店员攞热茶！
店员服务态度都几好，主动帮我哋换网，嘢食都送得几快，同埋无话够钟就赶人走。$138一个人真系超值，认真推介！
张贴
