新麻蒲 BBQ (波斯富街) (已結業)

呢日，放工之后就约咗两个朋友一齐去食韩烧。一入到去呢一间韩烧，里面嘅抽气系统做得好好，一啲都冇油烟味。条抽气管抽得都好好，我哋三个人入面有两个女仔，所以叫咗一个二人餐。因为好惊食唔晒。叫𠮶个二人套餐里面有好多种唔同嘅猪肉同牛肉，你叫我分呢我就唔识啦。但系每只肉都总系有啲唔同。总之就好好食啦。佢每只都有唔同嘅腌料，值得一提嘅系快好厚嘅猪腩肉，我平时唔系好钟意食太肥嘅猪肉，但佢啲猪腩肉烧完之后好香肉味，一啲都唔肥，我觉得可以再食多一次。另外，要提一提嘅系佢个汁，佢个汁有少少酸酸地，同啲猪肉牛肉好夹，令到啲肉味更加突出之余，个感觉仲冇咁肥。至于啲牛肉，都好嫩滑，好多肉汁，但我始终唔系食牛肉嘅专家，我真系唔识分边一个部位系边一个部位。总括而言系好好食嘅。 另外，𠮶啲沙律都系任食嘅，如果觉得唔够饱但系又唔想再叫其他食物，可以叫多啲沙律。最后我同朋友每人食咗170元正。我觉得食到啲咁高质嘅牛肉，呢个价钱都真系几抵食。