素食一家 (已結業)

素食一家今日午餐清清地去食素调理下身体叫左几款不同菜式试一试，先黎个开胃小菜，凉拌海蜇手撕鸡。呢个小食非常野味，呢个“海蜇”唔似真，不过都好滑好弹牙，而个鸡丝唔讲你食落都唔知系素，辣辣地好开胃。然后呢个系是日例汤，就咁睇都足料，饮落个汤好甜，唔觉有味精。跟住就试呢个菠萝咕噜肉，个汁较得啱啱好，唔会太酸，亦唔会大甜；三包椒好爽脆，好有新鲜蔬果味；而戏肉系个“咕噜肉”，非常之推荐食呢样𩠌，个皮脆脆地，里面软淋淋但又有咬口，配埋个汁冇得输，做得好过好多“坚”既咕噜肉。再黎就呢个笼仔梅菜蒸茄子，呢样系最清淡既一样𩠌，但亦相当唔错，因为个茄子蒸出黎好多汁喺里面，好鲜甜既味道，加上有D梅菜同姜粒丰富个味道，但又抢走茄子淡淡既鲜味，唔错！最后系呢个黑松露松子炒饭，就咁睇卖相都好靓，D饭炒到一粒粒，好干身唔会油淋淋；另外黑松露既香味，无论嗅觉同味觉都好享受，令你好想食完再食。总括而言，我好中意呢间素食餐厅，食物味道好，质数好高，值得推荐！