影片
更多
2021-05-23
1985 浏览
原本喺去年2020年7月就已经可以同最好嘅朋友一齐嚟呢度食肉，可惜当时突发第N波疫情有限制，被临门一脚取消咗。半自助式巴西烧烤，晚市每位$398，另加$100-就可以任饮红白酒及气泡酒。Salad bar 每日提供嘅款式都唔同！是日冇我最爱嘅 Parma ham。但有提供青口、白饭、南瓜汤、火腿、芝士、水果、蛋糕外。仲有好多款沙律及配料，就好似有橄榄藜麦、希腊沙律、红菜头沙律及中东蔬果沙律。当日前菜我试咗南瓜汤、杂菜丝沙律及薯仔沙律。两款沙律都食到有乳酪，酸酸甜甜好开胃。平时我唔钟意食薯仔嘅，我都食咗两小碟。南瓜汤唔系咁浓稠，但唔甜唔似罐头汤，都几好饮！当日星期一都系得几张枱，但几个侍应都不停喺厨房攞肉串，行到你面前睇下客人啱唔啱！喺呢度食饭有个规矩㗎，枱面上有个牌，要将『I’m hungry 』向上，侍应就会攞住一串串嘅肉奉献俾你。当日我真系试咗好多嘢，烧鸡锤羊架羊脾，烧菠萝香肠虾、仲有好多不同部位嘅猪牛等等。基本上除咗烧鸡麻麻地之外，烧羊及牛真系几好食。牛都有好多款，但我只识分到西冷及牛仔骨。我个人觉得
半自助式巴西烧烤，晚市每位$398，另加$100-就可以任饮红白酒及气泡酒。
Salad bar 每日提供嘅款式都唔同！是日冇我最爱嘅 Parma ham。但有提供青口、白饭、南瓜汤、火腿、芝士、水果、蛋糕外。仲有好多款沙律及配料，就好似有橄榄藜麦、希腊沙律、红菜头沙律及中东蔬果沙律。
当日前菜我试咗南瓜汤、杂菜丝沙律及薯仔沙律。两款沙律都食到有乳酪，酸酸甜甜好开胃。平时我唔钟意食薯仔嘅，我都食咗两小碟。南瓜汤唔系咁浓稠，但唔甜唔似罐头汤，都几好饮！
当日星期一都系得几张枱，但几个侍应都不停喺厨房攞肉串，行到你面前睇下客人啱唔啱！喺呢度食饭有个规矩㗎，枱面上有个牌，要将『I’m hungry 』向上，侍应就会攞住一串串嘅肉奉献俾你。
当日我真系试咗好多嘢，烧鸡锤羊架羊脾，烧菠萝香肠虾、仲有好多不同部位嘅猪牛等等。基本上除咗烧鸡麻麻地之外，烧羊及牛真系几好食。牛都有好多款，但我只识分到西冷及牛仔骨。
我个人觉得羊架及呢款牛系最好食！
侍应同我介绍啲咩牛咩猪，我鬼记得晒咩，全部都系英文。不过好食还好食，但都要睇下侍应切边个位俾你。咁啱𠮶日冇乜客人，我想食几大块，我想食边个位都可以。
临近尾声食唔饱都唔怕㗎！侍应都会问你想食啲乜嘢，只要分得出食过啲乜嘢好食，话个名俾侍应听，佢哋都会再烧出嚟俾你食嘅。
食得太饱，唔想再食肉，想食生果有生果，想食甜品有甜品。当日就有热情果蛋糕、朱古力蛋糕、 Brownie、南瓜蛋挞、仲有一个系椰子丝脆饼。口感系几得意，一条条嘅椰子丝，好食嘅但就好甜。对于外国人呢种甜度应该还好！
呢间餐厅其实真系都值得去试下嘅，除咗气氛好之外，食物都有多款。不过食量细嘅话试食午餐就够哂皮。如果女士想帮衬嘅话，每逢星期三都有Ladies night每位只需$278-。
张贴
