素食一家 (已結業)

一向都无特别话喜欢食斋，但今日朋友话比我知，原来食斋都可以好fancy，佢话旺角呢间素食一家真系好好味，叫我一定要黎。日式烤龙虾球味道炸得非常香口，劲弹牙直情系好似食紧花枝丸咁，呢碟一定要食。鱼生剌身拼盘好得意，d素鱼生雪到冻冻地，虽然我唔系好知咩黎，不过点上芥茉同日式鼓油，又真系几似㖞，哈哈过下口瘾又唔惊寒凉生冷，真系几好。西柠炸猴头菇呢味菜系朋友每次黎都会必，皆因猴头菇炸得好松化，点上西柠汁酸微微又酥香，唔怪得之佢咁钟意。梅子果冻对于梅子控既我，好喜欢呢个果冻，味道好清淡，有阵阵梅子的青味，唔算好酸但好有阵阵香气。传统的斋铺原来已经做到好入屋，随时当家常便饭食都得。