影片
更多
2022-06-12
73 浏览
最近都鍾意晏晝食得豐富啲，一來感覺上好似冇咁肥，二來食放題類別都掋啲，哈哈。今日就去到旺角一間叫神燈燒嘅燒烤放題，當然除咗燒烤之外都有一系列嘅熱食炸物刺身壽司等等。先講講環境方面，地方都好大唔會坐得好迫，以燒烤來講現場嘅油煙都尚算可以唔會太厲害。至於食物方面先從前菜講起，叫咗啲炸物，分別有炸魷魚，雞軟骨，明太子雞翼，芝士雞翼。好肯定全部都係即叫即炸，因為熱辣辣脆卜卜。另外仲有試到佢嘅芥辣八爪魚，泰式鳳爪，呢兩樣都好開胃。刺身選擇都好大路，我今日就食咗三文魚，油甘魚，帶子，赤貝，北寄貝。當中我就覺得油甘魚同帶子係最出色啦，雖則油甘魚切得比較細啲但係食到油脂香，唔似得其他地方有啲放題係好瘦削。壽司就分別試咗兩個卷物，有鰻魚同燒三文魚，都唔錯。燒肉方面當然都有好多選擇啦，Level two嘅選擇其實啲肉類都有好多可以揀。我就集中叫咗好多美國牛肉，上菜果下都幾搞笑，因為好似一個月光寶盒咁。我覺得咁多款裏面最好食嘅就係肉眼，西冷，牛頸脊。啲三款都肉味香濃，油脂比較好。我之後encore都係不斷集中叫呢幾款。另外一般其他地方有嘅豬頸肉，豬腩肉，雞翼當然都有啦。另外值得一提嘅燒海鮮啲到都好多選擇，燒
最近都鍾意晏晝食得豐富啲，一來感覺上好似冇咁肥，二來食放題類別都掋啲，哈哈。
今日就去到旺角一間叫神燈燒嘅燒烤放題，當然除咗燒烤之外都有一系列嘅熱食炸物刺身壽司等等。
先講講環境方面，地方都好大唔會坐得好迫，以燒烤來講現場嘅油煙都尚算可以唔會太厲害。
至於食物方面先從前菜講起，叫咗啲炸物，分別有炸魷魚，雞軟骨，明太子雞翼，芝士雞翼。好肯定全部都係即叫即炸，因為熱辣辣脆卜卜。另外仲有試到佢嘅芥辣八爪魚，泰式鳳爪，呢兩樣都好開胃。
刺身選擇都好大路，我今日就食咗三文魚，油甘魚，帶子，赤貝，北寄貝。當中我就覺得油甘魚同帶子係最出色啦，雖則油甘魚切得比較細啲但係食到油脂香，唔似得其他地方有啲放題係好瘦削。壽司就分別試咗兩個卷物，有鰻魚同燒三文魚，都唔錯。
燒肉方面當然都有好多選擇啦，Level two嘅選擇其實啲肉類都有好多可以揀。我就集中叫咗好多美國牛肉，上菜果下都幾搞笑，因為好似一個月光寶盒咁。我覺得咁多款裏面最好食嘅就係肉眼，西冷，牛頸脊。啲三款都肉味香濃，油脂比較好。我之後encore都係不斷集中叫呢幾款。另外一般其他地方有嘅豬頸肉，豬腩肉，雞翼當然都有啦。
另外值得一提嘅燒海鮮啲到都好多選擇，燒蠔，燒蝦都係任叫。啲蝦質量非常唔錯，爽口彈牙，絕對唔會係梅嘅。特色嘢呢度都有好多，一定要嗌嘅係雞泡魚乾，輕輕會變燒大概30秒，餸酒一流。另外仲有時興隆魷魚，燒魷魚好有大澳風味。
今天嚟講體驗都好唔錯，重點都要表揚下呢度嘅服務好好，服務員都好有禮貌，另外配料嘅選擇都非常多淨係鹽都有好多款可以揀。
张贴
