影片
更多
2022-06-12
69 浏览
最近都钟意晏昼食得丰富啲，一来感觉上好似冇咁肥，二来食放题类别都掋啲，哈哈。今日就去到旺角一间叫神灯烧嘅烧烤放题，当然除咗烧烤之外都有一系列嘅热食炸物刺身寿司等等。先讲讲环境方面，地方都好大唔会坐得好迫，以烧烤来讲现场嘅油烟都尚算可以唔会太厉害。至于食物方面先从前菜讲起，叫咗啲炸物，分别有炸鱿鱼，鸡软骨，明太子鸡翼，芝士鸡翼。好肯定全部都系即叫即炸，因为热辣辣脆卜卜。另外仲有试到佢嘅芥辣八爪鱼，泰式凤爪，呢两样都好开胃。刺身选择都好大路，我今日就食咗三文鱼，油甘鱼，带子，赤贝，北寄贝。当中我就觉得油甘鱼同带子系最出色啦，虽则油甘鱼切得比较细啲但系食到油脂香，唔似得其他地方有啲放题系好瘦削。寿司就分别试咗两个卷物，有鳗鱼同烧三文鱼，都唔错。烧肉方面当然都有好多选择啦，Level two嘅选择其实啲肉类都有好多可以拣。我就集中叫咗好多美国牛肉，上菜果下都几搞笑，因为好似一个月光宝盒咁。我觉得咁多款里面最好食嘅就系肉眼，西冷，牛颈脊。啲三款都肉味香浓，油脂比较好。我之后encore都系不断集中叫呢几款。另外一般其他地方有嘅猪颈肉，猪腩肉，鸡翼当然都有啦。另外值得一提嘅烧海鲜啲到都好多选择，烧
最近都钟意晏昼食得丰富啲，一来感觉上好似冇咁肥，二来食放题类别都掋啲，哈哈。
今日就去到旺角一间叫神灯烧嘅烧烤放题，当然除咗烧烤之外都有一系列嘅热食炸物刺身寿司等等。
先讲讲环境方面，地方都好大唔会坐得好迫，以烧烤来讲现场嘅油烟都尚算可以唔会太厉害。
至于食物方面先从前菜讲起，叫咗啲炸物，分别有炸鱿鱼，鸡软骨，明太子鸡翼，芝士鸡翼。好肯定全部都系即叫即炸，因为热辣辣脆卜卜。另外仲有试到佢嘅芥辣八爪鱼，泰式凤爪，呢两样都好开胃。
刺身选择都好大路，我今日就食咗三文鱼，油甘鱼，带子，赤贝，北寄贝。当中我就觉得油甘鱼同带子系最出色啦，虽则油甘鱼切得比较细啲但系食到油脂香，唔似得其他地方有啲放题系好瘦削。寿司就分别试咗两个卷物，有鳗鱼同烧三文鱼，都唔错。
烧肉方面当然都有好多选择啦，Level two嘅选择其实啲肉类都有好多可以拣。我就集中叫咗好多美国牛肉，上菜果下都几搞笑，因为好似一个月光宝盒咁。我觉得咁多款里面最好食嘅就系肉眼，西冷，牛颈脊。啲三款都肉味香浓，油脂比较好。我之后encore都系不断集中叫呢几款。另外一般其他地方有嘅猪颈肉，猪腩肉，鸡翼当然都有啦。
另外值得一提嘅烧海鲜啲到都好多选择，烧蚝，烧虾都系任叫。啲虾质量非常唔错，爽口弹牙，绝对唔会系梅嘅。特色嘢呢度都有好多，一定要嗌嘅系鸡泡鱼干，轻轻会变烧大概30秒，𩠌酒一流。另外仲有时兴隆鱿鱼，烧鱿鱼好有大澳风味。
今天嚟讲体验都好唔错，重点都要表扬下呢度嘅服务好好，服务员都好有礼貌，另外配料嘅选择都非常多净系盐都有好多款可以拣。
张贴
