影片
更多
2010-09-15
105 浏览
早排睇到报纸介绍，咁啱今日行开呢度，顺便走嚟试试 ...去到嘅时候大约六点半度，日头茶餐厅完咗，晚市即将开始。地方唔大，约六七张台左右，揾咗张细台坐低。由于得两个人，唔叫得几多，嗌咗五样嘢试下︰1) 生滚膏蟹粥 (88蚊例牌)佢哋嘅主打，砂锅滚热辣上，88蚊煲，份量对办；蟹够膏、有鲜味，但反而锅粥嘅味唔够鲜，唔知系咪煲得未够时间。2) 鲜蚬肉春卷 (25蚊4条) 呢个系推介，系五样里面最OK，够脆够味，要趁热食。3) 炸八爪鱼丸 (25蚊6粒)呢个都系推介，不过，冇乜惊喜；粒丸本身都算弹牙，外面够脆，但系，里面完全冇味。4) 豉椒排骨炒面 (30蚊一碟，加一杯冻饮多3蚊)其实，豉油皇炒面先系推介，不过惊油得滞，所以，转叫呢个，食落普普通通，不过不失。5) 米通雷沙汤圆 (22蚊4粒) 又系推介，都系一般，而且觉得最唔抵食系佢。总括而言，叫五样嘢，埋单两百蚊，唔算贵；地方就简陋啲，同埋冷气唔多够，一食粥你就会好觉。不过，值得一提，就系果位阿姐嘅礼貌好好(佢应该系老板嚟嘅)，果晚全部台Full哂，但系，楼面得佢一个，又要入厨房帮手，俾啲客嗌嚟嗌去，完全冇变脸，非常之有耐性去处理， G
去到嘅时候大约六点半度，日头茶餐厅完咗，晚市即将开始。
地方唔大，约六七张台左右，揾咗张细台坐低。
由于得两个人，唔叫得几多，嗌咗五样嘢试下︰
1) 生滚膏蟹粥 (88蚊例牌)
佢哋嘅主打，砂锅滚热辣上，88蚊煲，份量对办；
蟹够膏、有鲜味，但反而锅粥嘅味唔够鲜，唔知系咪煲得未够时间。
2) 鲜蚬肉春卷 (25蚊4条)
呢个系推介，系五样里面最OK，够脆够味，要趁热食。
3) 炸八爪鱼丸 (25蚊6粒)
呢个都系推介，不过，冇乜惊喜；
粒丸本身都算弹牙，外面够脆，但系，里面完全冇味。
4) 豉椒排骨炒面 (30蚊一碟，加一杯冻饮多3蚊)
其实，豉油皇炒面先系推介，不过惊油得滞，
所以，转叫呢个，食落普普通通，不过不失。
5) 米通雷沙汤圆 (22蚊4粒)
又系推介，都系一般，而且觉得最唔抵食系佢。
总括而言，叫五样嘢，埋单两百蚊，唔算贵；
地方就简陋啲，同埋冷气唔多够，一食粥你就会好觉。
不过，值得一提，就系果位阿姐嘅礼貌好好(佢应该系老板嚟嘅)，
果晚全部台Full哂，但系，楼面得佢一个，又要入厨房帮手，
俾啲客嗌嚟嗌去，完全冇变脸，非常之有耐性去处理， Good﹗
张贴
