影片
更多
2008-06-29
29 浏览
上星期六晚六月二十一日再访普罗旺斯，谂住唔写食评，点知翻开呢页睇到Ｄ好唔同嘅意见，不妨又交流吓。酒就一定要自己带去。中午时我系中环一间专卖法国红酒嘅酒铺买咗支$109嘅红酒，铺头伙计问我食乜，我话食扒，佢推荐呢支，平平哋，又唔错㖞。去到普罗旺斯时仲系六点几，我两个人，霸张四人枱，师傅仲系度写紧黑板Today's Special，不过佢警告我唔影得相。（所以我唔知呢页Ｄ相系咪偷影嘅呢......？）我同师傅讲要食牛扒，佢已经即介绍牛肋骨，又话黑豚肉好正，讲吓讲吓，竟然俾佢游说到食新嘢。照旧预咗佢耐，饮住酒食住头盘先。三文鱼南瓜汤？喂！我食南瓜但唔食三文鱼㖞！落大量胡椒粉，惊佢腥。咦？又冇事㖞，仲几好味添。沙律：菜新鲜，最正系莎乐美肠，送酒一流。就系呢个时候，竟然俾人叫起身换枱！由一张大嘅换去一张对决式嘅二人枱。唔开心，但奇遇唻嘞。坐隔离二人枱𠮶两位竟然系师傅嘅细佬及弟妇（？）。佢两位帮手招呼我哋，当然佢哋食乜都唔使叫唔使俾钱，但佢哋讲咗好多师傅嘅理念俾我哋听，好有趣。主菜牛肋骨真系好掂，无骨嘅长条肉配以士多啤梨汁，有肉味之余仲帮助消化，好特色。黑豚肉细细块但放系大大片嘅大葱上，肉质美，又
酒就一定要自己带去。中午时我系中环一间专卖法国红酒嘅酒铺买咗支$109嘅红酒，铺头伙计问我食乜，我话食扒，佢推荐呢支，平平哋，又唔错㖞。
去到普罗旺斯时仲系六点几，我两个人，霸张四人枱，师傅仲系度写紧黑板Today's Special，不过佢警告我唔影得相。（所以我唔知呢页Ｄ相系咪偷影嘅呢......？）
我同师傅讲要食牛扒，佢已经即介绍牛肋骨，又话黑豚肉好正，讲吓讲吓，竟然俾佢游说到食新嘢。
照旧预咗佢耐，饮住酒食住头盘先。三文鱼南瓜汤？喂！我食南瓜但唔食三文鱼㖞！落大量胡椒粉，惊佢腥。咦？又冇事㖞，仲几好味添。
沙律：菜新鲜，最正系莎乐美肠，送酒一流。
就系呢个时候，竟然俾人叫起身换枱！由一张大嘅换去一张对决式嘅二人枱。唔开心，但奇遇唻嘞。坐隔离二人枱𠮶两位竟然系师傅嘅细佬及弟妇（？）。佢两位帮手招呼我哋，当然佢哋食乜都唔使叫唔使俾钱，但佢哋讲咗好多师傅嘅理念俾我哋听，好有趣。
主菜牛肋骨真系好掂，无骨嘅长条肉配以士多啤梨汁，有肉味之余仲帮助消化，好特色。
黑豚肉细细块但放系大大片嘅大葱上，肉质美，又多汁，好香口，我钟意Ｄ葱！
甜品照旧系纸咁薄嘅Apple Pie a la Mode，真系完美配搭。
你问我，我只系嫌等得耐，因我住天水围，但食物方面真系冇得顶。冇酒买亦唔紧要，佢哋唔收corkage，我仲可以冒吓险周围买吓。唯独下次点都要weekday去，坐番张四人枱！
张贴