影片
更多
2019-06-04
582 浏览
除左吹水会令人口干，其实食野都会～扫街边个话一定系指食野，都包括饮野！饮野黎讲，依家周围都系，就黎多过垃圾筒，近过711添，不过我地扫野要素野，点搅！？除左带自备水，依家终于有素饮选择喇！NUTTEA，一间冇奶但有奶饮既素饮店。「咪住先，师主讲既野果然系高啲！啲中文我睇得明，但唔知你讲咩㖞～」拿，精妙之处就系呢到喇～因为呢到既奶系植物奶，而且系坚果奶。入正题前先讲下个壳先！位于万迪广场1楼其实好易揾，又近地铁。但唔知系咪我地太心急，呢个门口差啲令我地miss左！店内设计以简单，清新为主，下图靠墙果边应该系打咭位、帮杯野饮影靓仔相专用～其实成间舖好细而且系长方形，不过麻雀虽然细只，但亦有一个叹茶既空间，布置亦唔错，赞！好喇！壳就食完，系时候验明真身喇！以为素饮种类就会少？少年，你太年轻了！至少，我太年轻了！你可以以口味选择又得，以颜色选择亦得，拣左！经过系千挑万选，最后拣左两位佳丽，一位实务型同一位玩味型：第一位！你睇佢个样几务实。饮落就更加知道咩叫做实而不华～佢就系香芋坚果奶！虽然植物奶唔系第一次饮，不过佢个坚果味真系好够，反而芋头味就唔系好出。马上到第二位出场，佢就系台湾红玉坚果奶盖
饮野黎讲，依家周围都系，就黎多过垃圾筒，近过711添，不过我地扫野要素野，点搅！？
除左带自备水，依家终于有素饮选择喇！
NUTTEA，一间冇奶但有奶饮既素饮店。
「咪住先，师主讲既野果然系高啲！啲中文我睇得明，但唔知你讲咩㖞～」
拿，精妙之处就系呢到喇～因为呢到既奶系植物奶，而且系坚果奶。
入正题前先讲下个壳先！
位于万迪广场1楼其实好易揾，又近地铁。
但唔知系咪我地太心急，呢个门口差啲令我地miss左！
店内设计以简单，清新为主，下图靠墙果边应该系打咭位、帮杯野饮影靓仔相专用～
其实成间舖好细而且系长方形，不过麻雀虽然细只，但亦有一个叹茶既空间，布置亦唔错，赞！
好喇！壳就食完，系时候验明真身喇！
以为素饮种类就会少？少年，你太年轻了！至少，我太年轻了！
你可以以口味选择又得，以颜色选择亦得，拣左！
经过系千挑万选，最后拣左两位佳丽，一位实务型同一位玩味型：
香芋坚果奶
73 浏览
0 赞好
0 留言
第一位！你睇佢个样几务实。
饮落就更加知道咩叫做实而不华～
佢就系香芋坚果奶！
虽然植物奶唔系第一次饮，不过佢个坚果味真系好够，
反而芋头味就唔系好出。
马上到第二位出场，佢就系台湾红玉坚果奶盖茶！
台湾红玉坚果奶盖茶
64 浏览
0 赞好
0 留言
先睇下只铲究竟咩事先 ！？咦？系个盖到有攻略㖞～
其实唔讲都知只铲系比你一口一口咁铲入你个口到，不过「感受茶香与奶盖的俏皮」呢句，饮完唔觉佢有几俏皮，反而系自己俏皮左…
味道方面，坚果奶盖OK 浓郁，茶亦唔错，沟埋黎饮更加系正！推介之一！
咦？
哗～讲明唔满意可以redo㖞～!?拿，讲真，真心，饮到最尾我先发现唔满意，咁点先？
作为一个好人，我决定发皮4之后走左去，隔日再黎饮过！
然后……隔日真系再黎饮过…！
今次我醒喇～带定自备杯！其实素食又好素饮又好，都系为健康、动物同环境者～
而呢次叫既系藜麦燕麦坚果奶茶（隔离果啲只系装饰）。
藜麦燕麦坚果奶茶
70 浏览
0 赞好
0 留言
味道唔错，加上一啖啖既燕麦，早上饮一杯应该，然后唔洗番工咁你话几正呢～
顺带一睇，佢呢到好军真，因为我个杯比佢地啲杯细，所以佢叫我先饮左啲之后再添剩余果啲，
唔会话见你个杯细就整细杯比你，赞！
另外自备杯可减1蚊啊～！
张贴
