炊豕店 (曉悅) (已結業)

本身谂住去食寿司朗但太多人排队就转场去食其他就比我见到呢一间专系食猪嘅餐厅 分别叫咗一个秘制猪扒配米线 同冲绳猪软骨饭秘制猪扒配胡椒猪肚汤米线佢猪扒同埋米线系分开上嘅 咁样就可以保持到炸猪扒嘅香脆 猪扒好大块而且好厚肉 肉质鲜嫩 一啲都唔鞋口 而且调味调得啱啱好 佢碗米线都算大碗 饮落去都比较清 但唔系好觉得佢系胡椒猪肚汤冲绳猪软骨饭呢个饭真系几高质 佢有三至四旧猪软骨 而且每件猪软骨都好大旧 炆得好腍好入味 肉质都好腍 感觉上有丰富嘅骨胶原🙈 成碗饭都充斥住猪软骨嘅油香味 仲有啲莲藕红萝卜做配菜 卤水拼盘入面包含咗猪耳 猪大肠 豆腐 鸡翼 卤蛋如果你系想食晒佢咁多款卤水小食嘅话我觉得可以叫依个 一次过满足晒你所有要求 不过拼盘整体来讲不过不失 冇乜特别