豬大王 (多寶大廈)

营业中

休息中

依间位于屯门叫猪大王嘅餐厅，一听个名都知道系专门食猪啦！小店座位唔多，只有几张枱。繁忙时间通常都要等位。今次系黄昏时间去，所以就唔使等位可以直接入去。当然要食必点嘅皇猪扒汤面啦！今次叫咗猪扒配米粉，猪扒都系即叫即做，所以都要等一阵先至会上菜。猪扒又大块又肉嫩多汁亦都唔会太过油腻，仲要预先帮你切好非常贴心。猪扒调味都非常之惹味，但唔会太咸，十分之好食！汤米粉嘅猪骨汤底亦清清地几好食！米粉亦都唔会煮得过腍，质感啱啱好。