芽莊越式料理 (新城市廣場) (已結業)

工作改咗期，其實都係因為大會同公司嘅問題，一班人食飯有男有女，各人都有叫個人喜歡嘅食物， 不過其實食得越南嘢，大家都知道係食啲乜嘢嘢。我就叫咗炸軟殼蟹同埋香茅牛肉撈檬，個炸軟殼蟹炸得好通透，好香口，軟殼蟹係軟嘅咬到落口連殼都可以食埋，好好味 有啲蒜頭味好香， 軟殼蟹仲係有啲青菜喺隔離咁樣食落去就唔會覺得咁肥膩。香茅牛肉撈檬，我加咗好多越南嗰啲醋落去撈啲檬粉食，碗檬粉都好大碗，但係牛肉就唔算好多，牛肉都食得出係夠味嘅， 如果唔係醃尖的話，都幾好味。