勝利牛丸 @Freshlane (城市中心) (已結業)

元朗冇人吾识嘅「胜利牛丸」，我系由细食到大。搬咗出九龙住之后，每逢入元朗，一有机会就会食番碗。佢嘅牛系专嘅，因为佢一直以来坚持独孤一味只做牛，系吖～只有牛丸、牛腩同牛筋。今次真系开心大发现，最近比我见到「胜利牛丸」原来已经进驻北角 Freshlane 外卖店。以后想食「胜利牛丸」吾使山长水远入元朗了。今日试咗佢嘅双丸河，就系牛丸同丸筋丸，原来牛筋丸元朗堂食店都未有供应。佢嘅牛丸真系特别弹牙，而且咬落有丰富肉汁。牛丸较爽滑弹牙，牛筋丸就较实肉少少，较有咬口。两者各有特色，两只我都钟意。除了主角牛丸正，汤底至为重要。店长话我知，咪睇佢碗汤好似好淡色，其实每碗面嘅汤底都系沿用番打牛丸时嘅汤，难怪试咗啖汤真系又甜又原汁原味。胜利九牛另一不可少嘅就系加冬菜。系吖 ～ 吾好睇少呢哟吾起眼嘅冬菜，本人觉得系呢碗河粉嘅精粹。除了冬菜，店长亦主动跟埋自家制辣椒油，老老实实佢嘅辣椒油真系够香辣，一碗原汁原味嘅胜利牛丸河，真系连汤都清晒，试过你一定会食过返寻味。