影片
更多
2003-10-03
15 浏览
(首先麻烦editor更正个名先,系烧鸟唔系烧岛)我帮衬呢间居酒屋都算系最耐既一间,足足有9年.以前呢度真系有好多明星捧场,之后可能多左d街外客啦,逐渐就冇乜见到明星啦.我印象中superstar maggie cheung都有去过.舖里面清一色系女仕,由厨师到洗碗都系得4个人,但busy时候又应付得焯焯有余.我食左咁长时间佢地都冇转过人.我本身系一个唔食葱蒜既人,好偶然有一次去到叫左个"薄烧牛肉"试下,食落口先知系牛肉里面包住个d系葱同蒜蓉.哗!好正呀!自从个次后,每一次我去食都必order两客(因为5件/客),到家下食左9年.如果讲食串烧,味道唔算太出众,但一定好过d二打六既日本料理.其实除左上述介绍既"薄烧牛肉"外,鳗鱼定食都系必选.试过食出面个d,一系就好腥,一系就烧得唔够候.但佢地可以控制得好好,鱼肉保持滑口,个底有少脆,又唔会过硬,食到卜卜声.再加埋个纯正面豉汤.即时饱到行唔郁.其实佢地串烧都有几款代表作架(有烧鸡翼,烧薯仔,烧冬菇,烧墨鱼咀).所以我只会食佢地整既薄烧牛肉同鳗鱼饭.价钱方面,同其他有少少名气既居酒屋比起系差唔多,佢企硬唔减都系想保持品质,以我所知,佢地一向
我帮衬呢间居酒屋都算系最耐既一间,足足有9年.以前呢度真系有好多明星捧场,之后可能多左d街外客啦,逐渐就冇乜见到明星啦.我印象中superstar maggie cheung都有去过.
舖里面清一色系女仕,由厨师到洗碗都系得4个人,但busy时候又应付得焯焯有余.我食左咁长时间佢地都冇转过人.
我本身系一个唔食葱蒜既人,好偶然有一次去到叫左个"薄烧牛肉"试下,食落口先知系牛肉里面包住个d系葱同蒜蓉.哗!好正呀!自从个次后,每一次我去食都必order两客(因为5件/客),到家下食左9年.
如果讲食串烧,味道唔算太出众,但一定好过d二打六既日本料理.
其实除左上述介绍既"薄烧牛肉"外,鳗鱼定食都系必选.试过食出面个d,一系就好腥,一系就烧得唔够候.
但佢地可以控制得好好,鱼肉保持滑口,个底有少脆,又唔会过硬,食到卜卜声.再加埋个纯正面豉汤.即时饱到行唔郁.其实佢地串烧都有几款代表作架(有烧鸡翼,烧薯仔,烧冬菇,烧墨鱼咀).
所以我只会食佢地整既薄烧牛肉同鳗鱼饭.
价钱方面,同其他有少少名气既居酒屋比起系差唔多,佢企硬唔减都系想保持品质,以我所知,佢地一向唔卖广告,唔比杂志访问,但经历过sars同埋山林道d日本料理愈开愈多后,终于都要破例.
只要系好野就梗系要公诸同好啦,呢个系我地openrice.com每位食家既中旨嘛!
张贴