麻辣派對 (金百利廣場) (已結業)

呢几日突然辣瘾起想食辣野，即时约埋朋友仔一齐去。麻辣派对唔系第一次食，但每次都谂一轮食咩，太多选择。餐厅环境偏向昏暗，情侣夫妇拍拖够浪漫，有装修坐得舒服。 朋友全部食得辣，即时点咗中辣嘅泡椒田鸡🤣，仲有好多配料可以加， 怕食唔晒净系加咗魔芋QQ弹弹，几得意，田鸡啖啖肉，肉质比较滑，又酸又辣超惹味 ，虽然好辣但停唔到🤣全部菜嘅辣度可以改，如果食唔到辣，建议大家食小辣。今次试咗麻辣肥肠，辣椒铺满全碟睇落好多，但唔太辣，大肠肥美炸过偏干身，无太大惊喜。 水煮系列都出色，今次叫咗水煮鱼，肉偏厚，唔会切得太薄身，口感丰富，肉质唔柴，本身有芽菜，再加咗薯粉，吸晒辣汁，好正。全部菜式都份量十足，4个人食已经够饱。 餐厅唔会限时，可以慢慢食，倾下计，值得推介。