Cafe Paradise (砵蘭街) (已結業)

今日探完朋友經過太子連早餐都未食，就入cafe paradise醫肚。 第一次到這間餐廳，環境不算很大，座位比較迫夾。 我們點了兩款all day breakfast，Paradise Full $103，Paradise Jumbo $123， 加多一個甜品士多啤梨泡芙雪山 $48。 Paradise Full ~ 有炒蛋，煙火腿，煙三文魚，煙肉，漢堡扒，直布羅陀腸，茄汁豆，薯餅，烤蕃茄，炒雜菌，粟米，田園，沙律，多士配果醬。Paradise Jumbo ~ 有西冷牛扒，炒蛋，煙火腿，煙三文魚，煙肉，直布羅陀腸，茄汁豆，薯餅，烤蕃茄，炒雜菌，粟米，田園沙律，多士配果醬。兩款all day breakfast都差唔多，只係漢堡扒和西冷牛扒的分別，但我反而覺得這兩款是最唔好食的， 牛扒非常之硬，連漢堡扒都係又乾又硬。至於其他的食物味道都正常，百零蚊一個all day breakfast，份量足料，還包一杯橙汁。士多啤梨泡芙雪山 ~ 泡芙不算太甜幾好味， 但士多啤梨醬偏酸，如果喜歡酸的朋友可以叫這個。總括來說這裏的食物還可以，但服務態度方面還有改善的空間。